جواب كيف؟ لكل سؤال جواب
-
مقادير كفتة الحوت
- تقريبا نصف كيلوا سمك سردين
- قزبر
- فص ثوم
- ملح+ابزار +ملون اصطناعي+ كمون
طريقة التحضير
يطحن سمك السردين بماكينة الكفتة وتنضاف اليه باقي المقادير ويخلط الكل جيدا
نعمل منه كويرات ويترك جنبا
نجي الان لتحضير الطاجين ^_^مقادير المرق
- بصلة مقطعة دوائر
- 2 جزر مقطعين دوائر ايضا
- 1 بطاطس مقطع شرائح
- ربع كرنب مقطع على اربع
- 1 طماطم مقطع دوائر
- فلفل اخضر حلو مقطع دوائر
- ليمونة حامضة مقطعة انصاف
- قزبر +ثوم
- ورق عصية سيدنا موسى لتنسيم
- نصف كاس زيت وقليل من الماء
- زيتون اخضر
- توابل (ملح + ابزار +تحميرة+ملون اصطناعية _تصفيرة_ وسكينجبير)
طريقة التحضير
بالاول على نار خفيفة نفرش بالطاجين عندنا
البصل مع خلطة التوابل والزيت نقلبهم قليلا
نفرش عليه قطع الجزر
ثم نفرش طبقة من كويرات كفتة السردين
نحط عليهم قطع البطاطس ثم الطماطم والفلفل
>
نرتب قطع الكرنب والحامض من فوق
ونتبل بقليل من الملح والابزار + ورقة عصية سيدنا موسى +قزبر وثوم مقطعين
نضيف شوية ماء ونقفل عليه
يترك على نار متوسطة مدة ساعة تقريبا
لما يستوي عندنا نزينه بحبات الزيتون
فيكم تقدموه مع سلطة من اختياركم
انا اخترت لكم
سلطة البادنجال
مقادير السلطة
- بادنجال
- فلفل اخضر حلو
- طماطم
- ملح وابزار وزيت
طريقة التحضير
ندهن البادنجال والفلفل بالزيت وندخلهم الفرن و مرة مرة نقلبهم على كل الجهات
نخرجهم وننزع القشرة ونقطعهم الى قطع صغيرة
>
نضيف عليهم الطماطم مقطع
نتبل ونحط زيت على خفيف ونقدمهم بالصحة والراحة
ان شاء الله تكون عجبتكم طبخة اليوم